2018年韩国「年度风格男人」TOP6！除咗李栋旭、车银优仲有边个？

韩国知名网站每年都会评选出「年度风格男人」（Men of the year），每年选出嚟嘅Oppa都会令各位姊妹们嗌破喉咙！咁究竟佢哋係点样拣出嚟？网站係从每年最红、最靓仔、以及最具代表性嘅韩国男人入面选出几个代表，而最近网站就从偶像、演员同运动员入面选出咗2018年度最具代表性嘅六位男星，快啲嚟睇吓你嘅Oppa喺唔喺入面啦！

1. 李栋旭

李栋旭榜上有名一啲都唔意外！因为主演《鬼怪》而爆红嘅佢今年除拍摄偶像剧《Life》之外，仲成为咗CHANEL男士化妆品「Boy de Chanel(香奈儿)」嘅代言人，可以话係马不停蹄咁工作，唔怪得知佢亦都被韩国女仔选为「最想交往男星第一位」！

2. 车银优

第二名有凭着「我的ID是江南美人」而爆红嘅男演员车银优，除咗拥有超可爱嘅笑眼睛同白嫩肌肤之外，演技都被网民大赞，绝对係不容忽视嘅新势力！加上超阳光嘅笑容，小编嘅心都就嚟要融化啦！

3. ZICO

韩国男团Block B队长ZICO今年可以话係达到事业巅峰，不但举办咗个人演唱会，仲受邀到朝鲜平壤担任南北首脑会谈嘅演出歌手！虽然之前有谣言传出ZICO要同Block B解约，令唔少粉丝都非常难过，但相信无论去到边ZICO都会继续带好多高质音乐作品给大家嘅！

4. 孙兴慜

第四位嘅孙兴慜可能大家唔係太熟悉，但其实佢喺韩国嘅人气可以话係运动员界数一数二高！孙兴慜係一位韩国职业足球员，正为英超球队热刺效力，喺场上超帅嘅英姿加上稚嫩嘅外表，令佢获得「韩国足球队小鲜肉」之称，亦吸引咗各个年龄层嘅女fans！孙兴慜今年仲代表咗韩国队出战世界盃，分别对战墨西哥同德国，表现超亮眼！

5. 河正宇

今年最红嘅韩国男星绝对非河正宇莫属！出道15年嘅佢可以话係票房保证，最具代表性嘅作品就係《与神同行》！唔好睇佢外表高冷，但正宇Oppa私底下原来係个超搞笑嘅人，呢种反差萌真係好得意呀！

6. 卞约汉

最后要介绍嘅係韩国男演员卞约汉，他嘅知名作品包括《未生》，喺入面饰演新进社员嘅他，凭着熟练嘅演技引起话题，亦都令好多人睇到佢超强嘅爆发力！之后演出过嘅作品包括《六龙飞天》同《阳光先生》等等，令粉丝可以见到佢唔同嘅魅力！今年係佢首次入围韩国年度最佳风格男人，大家帮佢打打气啦！