天气凉番唔少喇～屋企如果冇一部暖炉、暖风机，又点能够长时间都暖笠笠呢 ? 而市面上亦都有唔同种类嘅暖炉、暖风机可供选择，究竟有冇话边一种好啲呢？一齐去文理解更多啦 !
电暖炉
呢一款係比较旧式嘅家庭电器，靠住热力蒸发水或者油去散发热力，令室内持久温暖。电暖炉係一种颇为耐用嘅电器，一般都唔需要特别注重保养；但係当电暖炉运作期间就会较多噪音，而且唔小心触摸到发热面就有机会烫伤喇 ! 加上使用上亦需要空气流动先可以令热力扩散全屋，呢一点有机会令唔少用户却步呢 ~
陶瓷及石英管暖风机
以上两款都係较新式嘅暖风机，石英管暖风机就係靠住电流令石英管释出热力，令室内变得温暖；而一般陶瓷暖风机功能上相对比石英管暖风机多，除咗具备热风、暖风功能，有啲仲有冷风功能，咁就一年四季都用得着喇 ! 加上安全设计，例如係翻倒断电保护功能、过热断电保护功能，咁使用上就能够令用户更安心啦 ~
其实市面上仲有唔少暖风机种类，以上只係一个简短介绍呢 ~ 其中有啲款式仲係有防雾水功能，带埋入浴室使用都可以o架 ! 希望大家都能够选择到一部合适暖风机嚟度过呢个冬天啦～
(文：装修华)
(以上图片均来自网络，如有任何版权问题，请与本站联络)
消闲资讯由热新闻提供
原文连结: 装修佬话你知: 暖风机知多啲 (装修华)
更多相关属性
【我要做业主】购买一手楼须知
装修佬
致力于令香港没有麻烦/烂尾的装修。为实现这个使命，全体装修佬成员不断努力，推动装修、建材、家居市场的规范化，改变着数千万家庭的装修方式和置家理念，为用户创造卓越的互联网装修体验。
